初時仲以為呢個禮拜已經無得Interview o架喇，點知？今日11點幾時無端端又接o左個電話，叫我今日即刻去In喎。其實佢話o係星期二o個時打過俾我，但係就搵我唔到，無論手提 or 屋企都係搵唔到我。緊係啦，我個手提星期二o個時都唔知做咩鬼o野？！馬會打電話o黎叫我加班同埋個朋友仔打電話o黎約我出街都搵唔到我，只係飛o左去留言，我仲要成夜晚11點先知佢o地有留過言俾我。而佢話佢都有打過去我屋企，唔好玩啦，打去我屋企o既話我當然係唔會聽啦，因為就算我坐o係個屋企電話隔離我同我o既屋企人都係唔會理佢o架啦，由得佢響飽佢呀！唉~~~所以，佢今日再打o黎問我可唔可以即刻去Interview？！Of course我緊係會問佢可唔可以聽日先去啦？！因為我覺得，即日Interview o既話我一定會衰梗，因為咩o野Preparation都無做呀嘛 (Including searching company's background同埋諗o下佢會問我D咩問題 & 點樣答咁)。好在，佢話聽日In都無問題，不過要下晝四點先有時間囉！真係大鑊呀，無諗過佢話會下晝咁晏先In o架，咁我點返工呢？仲要返六點o架！所以到最後，我o係呢個四月頭o既7號就已經用o左個Urgent Leave喇。唉~~~真係"Side"晒呀！不過無計啦，我又唔想返工遲到，而且我好大機會o係8號 & 9號會Daddy & 媽咪一齊去澳門Celebrate媽咪o既生日，所以用o左個Urgent Leave都無咩所謂啦，咁8號就可以早D起身出發搭船去澳門，咁就可以多D時間o係o個邊玩o下同Relax o下啦！

今日除o左收到呢個電話叫我去Interview之外，晏D仲有多一個電話打o黎叫我星期一去Quarry Bay Interview呢！初時佢講個公司名我聽o既時候，我真係完全唔知佢講咩？！跟住我再問多佢一次：『請問係咩公司話？』佢再講多次，我都只係聽到頭o個兩個字，就係"今日XX"。o個個"XX"就真係聽唔到喇！不過，以我o既記憶都應該知道o個一間係咩鬼公司o黎o既，因為呢一間公司都係我諗o左好耐先send份Resume過去o既。雖然佢話就話係做一D Media同埋Advertising o既o野，不過佢個行業係室內設計、傢俬同裝修o個D咁啦，所以點解我諗o左咁耐先send份Resume去就係咁解喇！一來係對呢一行唔多熟，二來係因為對室內設計呢D咁o既o野無咩興趣，我會send份Resume過去係因為佢話係做一D Follow Customers & Media Scheduling o個D o野有關，所以我先會send我自己份Resume去試一試，佢仲要2年經驗o架，所以我真係唔知點解佢會見我囉？！真係考起我呀！

唉~~~其實我真係好驚齋得個"In"字囉。講真，o係呢半個月以o黎，都真係只有Send Resume同Interview，then過o左呢一個cycle之後，再o黎o既都係Send Resume同Interview。每一次都係咁，有D仲衰o既就真係只有Send Resume而得唔到任何o既回覆，真係唔知想點呀？之前已經同個朋友仔講過，話點解我o地o個Group人咁命苦？！人o地成Group人都俾人請晒，人人都有o野做，而且有D人都已經做o左成半個月或以上喇，人工又唔係話好差，at least都有$8K以上。但係我o地o個Group？不但無人請，有個朋友仔仲同我講話佢仲未試過Interview。當我聽到佢講呢句o野o既時候，我真係覺得勁Surprised囉？！  真係點解會咁o既呢？唔通真係所謂o既"時機未到"？但係有咩理由係成Group人都"時機未到"呀？？？真係奇怪到飛起囉？！之前Olivia仲同我講話個市都幾好，唔係呀Fa，咁都叫好？個市好o既話，點解我o地成Group人都未搵到o野做呢？唔通真係我o地成Group人都有問題？但係有咩問題我又真係唔知囉？！唉~~~真係可以點呀？所以……o係呢幾日都真係幾唔開心，心情真係幾Down o下囉！不過，我都知自己一定唔可以灰，因為一灰o既話，好多o野都會做唔到，所有o野都會係唔成功。但係一直咁樣只有Interview，份份都係咁樣落去o既時候，想唔灰都幾難呀！唉~~~

既然有人話想我繼續寫下集，咁我就Update o下我個日記先啦！ <== Of course係寫o下呢兩三日發生過D咩事先啦，我o既寶貝們，得閒就會再寫過，仲會Post佢o地D相上o黎俾大家睇o下tim！哈哈~~~

2006年3月26日 (星期日)

尋日Urgent Leave後再返番工。有個男組長一見到我，就同我講：『Shirley，我終於見到你返工喇！』我當然估到佢知我點解唔返工啦，所以我就即刻"薯"佢，叫佢咪亂講o野，因為講真，o係JC係無咩人知我係咁癲o架！當佢見我到我"薯"佢，佢就當然醒目，無再亂講o野啦，如果唔係？我真係唔會放過佢呀！  不過，當未埋Bench o既時候，我都有同佢講兩嘴，同佢講話真係"超正"~ Then佢就同我講佢呢排睇o左o個D新聞講咩？！唉~~~講真，我都同佢講預o左係咁o架啦，我都聽慣睇慣喇，都唔當係D咩呢！ ^>^

其實得閒返o下JC都好o既，因為一來係可以搵到錢，二來真係可以"Hea" o下時間，當未搵到另外o既工時，都真係只有做住呢度先啦，唔係可以點？唉~~~

2006年3月27日 (星期一)

今日係第三份工o既Interview。呢一份工都係In Marketing Assistant，係一間Printing o既公司。不過，間公司真係好遠，o係對面海o既炮台山。其實我係In下晝o既3點鐘，但係我驚會遲到o既關係，所以我o係下晝1點15分度就已經o係屋企出門口了。亦由於咁早出門口o既關係，我o係下晝兩點鐘就已經過到去炮台山了，見咁早，咪去食D o野先囉！食完o野之後，照原定o既時間上去Interview。o個個大廈其實唔難搵，不過o個間公司o既位就幾難搵o下，因為原來佢間公司分o左Manufacturing同埋Management兩邊。我初時行o左去Manufacturing o個邊，佢叫我一直行去返另外一邊interview，但係佢又無講叫我行邊一邊喎，真係玩o野呀！Then我都搵o左At least 5分鐘先搵到。

入到去o個間公司，其實真係唔係話細囉，眼見都有成20-30人。其實我都幾早就到o左，佢之前仲有一個Applicant要見，但係In我o地o個個人又未得閒，所以我同另外一個Applicant就分別o係一個Meeting Room裡面等。當o個個Interviewer得閒時，佢就見另外o個個Applicant先，因為係佢去先。其實我o係隔離o個間房係完完全全聽到佢o地o既對話囉！唔~~~ o個一刻，我諗我自己都可以Handle度佢問我o既Questions o既！o個個女仔In o左大約10-15分鐘度啦，then o個個Interviewer就話如果得o既話，就會有電話叫佢o黎Second In，當然o個一刻我都係咁諗啦，我今次都應該係First In，但係點知並唔係我想像中咁呢！

首先都係In隔離o個個Applicant o既Interviewer見我先，佢都係問一D好General o既問題，叫我用英文Introduce o下自己同埋講o下屋企o既Background咁。Then就問我有D咩Working Experiences。講真，係Fresh Graduate，鬼有Working Experiences咩？咁咪"吹水"囉！之後，佢就問我有無帶D Certs. o黎，Of course緊係有啦，咁咪拎出o黎佢睇囉！Then佢話要Photocopy，咁咪俾佢Copy囉！跟住佢無端端同我講，叫我等佢一陣，佢話睇o下佢Marketing個Department Head有無時間見一見我喎，咁我咪等佢囉，唔通唔等咩？Then o個個Department Head就入o黎見我喇，又從新再一次Introduce過自己，今次佢問多一樣o野，就係我有咩Strength，講真咪又係"吹水"題，無一次Interview都要答o架啦！In完個Department Head之後，佢又叫我等，不過今次我真係唔知o係度等咩？過o左無幾耐，第一個Interviewer就叫我跟佢出去，佢無端端話要我去見佢個大老闆囉！o下？咁激？！連大老闆都要見埋？不過，o個一刻都真係無咩驚o既感覺，真係唔知點解？可能已經唔多聽得入耳了！因為佢不停咁講我係類似Under佢o地公司o既o個兩個Sales。o下？咁我咪即係連一個Sales都不如？咁叫咩Marketing Assistant呀？唔好玩啦！佢仲要不停咁壓我價囉，講真一個University Fresh Graduate，唔係連HK$8,000都無呀？佢竟然壓我價壓到成HK$7,000囉！我連一個Form 7 o既Graduate都不如？唔係呀Fa？咁我讀咁多書o黎做咩o野呀？仲有，佢份工係要打Cold Call囉！唉~~~所以o個一刻唔驚係因為我都唔多想聽佢講咩o既關係啦！見完個大老闆之後，佢都同我講話如果我得o既話，o係2-3Days內就會覆番我。好在，佢都會諗o下o既~~~

Interview之後，就約o左個朋友仔拎番上次去台灣o既手信俾佢，因為佢上次病o左無出到o黎Join我o地！Then我就同o左佢去飲o野，傾o下計咁。我就同佢講我今日In o既呢一份工，佢一聽完之後，就話：『o下？壓價壓到HK$7,000？唔係呀Fa？』唉~~~聽完佢o既意見之後，我就更加對呢份工無好感。同佢飲o野o既途中，呢間公司打番電話俾我，話請我，問我聽日可唔可以即刻返工。o下？Mud真係咁快呀？其實我真係仲未諗掂囉，仲要人工真係得HK$7,000咁"多"，我真係連車錢都蝕埋俾佢啦！所以到最後，我話要考慮一o下，我會o係星期三前覆番佢。唉~~~學個朋友仔話齋，無工In/無人請又煩，有人請又煩，真係想死呀！我真係好驚我推o左呢一份工之後，到唔知幾時先會再有得In/有人請，我可以點做呀？因為真係拿不定主意o既關係，打電話俾Olivia問o下佢o既意見。當我解釋完佢聽o既時候，佢等一句就講：『唔好做！』o個一刻我真係呆o左o係度呀！我問佢問解，佢話"無前途"！唔~~~當我聽完佢講之後，我都真係好似放下o左心頭大石咁囉！我打電話俾Olivia可能其實都只係想多一個人撐自己o既決定啦，其實我並唔係拿不定主意，只係我搵唔到一個藉口去唔做呢份工 (除o左因為人工低呢個原因之外)。依家多o左Olivia o既意見，而我都同媽咪講o左我o既Situation，佢o地都贊成我唔好做，繼續搵o下先！咁我依家就真係Continue去搵我自己想做o既工，聽日就會打番電話去呢間公司話唔接受佢o既Offer。覺得自己有D衰仔，In完之後又唔做。但係，佢呢份工真係唔係我想要o既o野呀，叫我點接受呢？唉~~~

F4 Total 4場o既Forever 4 Concert終於完結o左喇！o係最後o個一場同個Friend真係嗌到痴肺，依家把聲係極度唔掂，個喉嚨係痛到飛起。不過，真係值得o架，我專登請假唔返工睇尾場係o岩o架，我完全無後悔過唔返工而去睇Concert囉！哈哈~~~  佢o地由3月22日至到3月25日Total 4場Concerts裡面，我睇o左3場。 <== 雖然我媽咪已經知道我睇o左頭o個兩場，但係如果俾媽咪知道我係因為睇佢o地o既尾場而唔返工，佢實殺死我都有份呢！所以，我叫我o既嬸嬸同埋姨媽，當然仲有我個Friend一定要保密啦，如果唔係？我個頭都唔知可唔可以好安全咁o係個身上面呀？！  好啦，依家就講o下o係台灣返o黎之後o既呢幾日發生o左D咩事啦！Of course會講埋我o個4個寶貝：F4啦！哈哈~~~

2006年3月18日 (星期六)

去完旅行後o既第一日返工日。一返o黎病好就要返5點鐘，因為要返工開會。一返工就勁多o野拎，因為要拎D手信返去俾D朋友仔，同事同Supervisors o個D就只係買o左食得o既o野咋，因為都真係唔知買咩好呢？唔~~~見到D朋友仔都幾鍾意我買俾佢o地D手信，我都好安慰，因為都真係揀o左好耐呢！

2006年3月19日 (星期日)

又係返工日！無咩特別o野發生呢！

2006年3月20日 (星期一)

呢一日做過D咩呢？真係唔係好記得？？？呀......我記得喇！訓醒之後，就等個朋友仔o既電話，因為佢話會話我知佢放工放幾點，then我就出去Meet佢，一齊去食餐飯 & 俾D手信佢。我o地去o左Causeway Bay食飯，食o左泰國o野，都OK好味o既！唔~~~希望"妳"鍾意D手信啦！ ^O^

2006年3月21日 (星期二)

待續......

自己o既身體真係好唔爭氣，去完旅行一返o黎就病了！ <== 其實應該話係o係旅行o既最後一日就病倒了。 星期三o個日西西都話我個樣勁病，一D表情都無，佢仲話我有D發燒Tim！唉~~~Then星期四下晝一訓醒，就即刻去睇醫生。醫生話我係細菌感染，依家個肚仔同個肚o既四周圍都好鬼痛，但係我又唔知道Exactly係邊度痛，真係好辛苦呢！~

去旅行o既點點滴滴，我遲D會一次過寫番晒呢！大家等o下啦！

★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★

哈哈~~~我終於有時間寫番我o係台灣o個5日o既事情了！大家係咪等o左好耐呢？真係唔好意思喇，因為一返到o黎都真係幾忙o下呀！忙D咩？咪就係勁Send Resume囉！唔Send o既話，就唔駛見工喇！唉~~~  不過，我諗我都會分幾日寫番呢，因為我都真係幾多o野打o下！哈哈~~~

2006年3月11日 (星期六)

今日一早7點鐘就起o左身喇，因為要準備出發去機場了，我o地o個一團要10:15a.m.集合，而我屋企o個度o個架"好"o既巴士，竟然o係8:30a.m.有一班車，之後要到9:30a.m.先有另外一班車，真係玩o野咩？咁即係我一定要搭8:30a.m. o個班車入去啦，如果唔係就會遲大到呢！媽咪驚我會遲到走車，8點鐘就已經起身叫我好快D出門口。o車~~~咁鬼早行落街咪又係等！我落到去巴士站，等o左成20mins車囉，真係吹漲呀！上到車仲激氣呀！！！o個D咁o既嬸嬸，都痴Q線o既！佢o地擺得D行李o係下面，就預o左有人會D o野上去佢o地o個D行李o個度o架啦！當我想擺我件行李上去時，佢o地竟然大嗌，叫我唔好擺上去囉！都真係痴X線o既！有病呀？想人o地唔擺上去，你o地咪唔好擺o係下面o個一格囉！真係激死我呀！不過算，我唔同呢D人一般見識！

話咁快就已經入到機場，我同西西一見到我o地o個個領隊Maggie，就問佢我o地係咪全團最細o個個，佢一D都唔猶豫咁答我o地：『係！』唉~~~ My Goodness！不過，其實都預o左，因為o係呢個時間參加團喎，一定係D上o左年紀o既夫婦會比較多呢！我o地去報到之後，就去o左食早餐，食完早餐之後，就準備入閘Waiting for登機了！我o地坐12:45p.m. o個班機，因為去台南o既高雄先，所以都要成個半鐘頭機呢！一過到去o個邊，就有個好搞笑o既導遊接我o地，佢叫小梁！o係佢o既身上，都真係學到好多o野呢，俾佢做導遊都真係幾開心o下囉！^O^

一去到高雄，我o地第一個景點就係上去佛光山，真係行到死o下死o下囉，因為都真係幾高o下，而且又熱到死喎，因為去到o個時，o個度有成30度呢，真係熱到跳舞呀！唔只咁呀，o係o個度遇到一D好出奇o既o野呢，就係聽到o個度o既僧人講廣東話囉，你話出奇唔出奇呀？我初時以為係我自己聽錯，都無理佢。點知？原來連西西都聽到佢o地講廣東話呢，仲要講o個句係：『你玩o野呀？』嘩~~~你話係咪真係幾玩o野o下喇？？？  

呢張相就係o係佛光山影o架喇！係咪覺得好奇怪，點解我同西西都係會"第"o左一隻腳出o黎呢？因為導遊叫我o地"第"隻腳出o黎踏住佢畫o係地上o個個腳印，咁就會影得晒食個佛呢！真係俾佢激死呀，咁都俾佢諗到呀！哈哈~~~

睇完佛光山，我o地就去o左蓮池潭。其實o個度Total係有三個景點o既，不過都係o個D o野啦，都無咩特別o既！我諗最特別o既就係o個一部求籤機囉！勁搞笑o架！你要入一個NT$10去佢o個部求籤機o個度，o個個公仔就會幫你入佢o個間廟o個度求一枝籤出o黎，then再拎俾你。你話搞笑唔搞笑呢？哈哈~~~ 我求o個枝籤係佢叫我做咩都要『專』囉！Mud我做咩都唔『專』咩？無理由呀，我做咩一向都好『專』o架啦，點解佢會叫我要『專』一D呢？真係諗極都唔明呀？？？Anyway，我都會聽話o既，依家做每一樣o野都會『專』D呢！哈哈~~~

就係呢個求籤機喇！佢係咪好得意、好搞笑呢？

o係蓮池潭搞完一輪之後，就去食晚飯。都真係普普通通啦，學個導遊小梁話齋：『用o黎維持生命呢！』哈哈~~~食完飯之後，竟然會係去行夜市，我o地去o左台南出名o既六合二路夜市，又再食過囉！今次我終於可以食到台南o既名產『棺材板』了！唔~~~其實都真係幾好味，雖然只係一塊炸o左o既大麵包加白汁o既料，但係唔知點解？人o地整o既就真係好味D o個囉！Then我同西西又飲o左珍珠奶茶 & 薄荷綠茶加珠，真係平到死囉，我o個杯勁大，都係要NT$15咋，即係HK$4都唔駛，真係平到嚇人呀，但係味道係同香港o個D差唔多o架o下！o係我o地買o野飲o既隔離，發現到一間好搞o野o既舖頭，係類似性商店o個D咁啦！不過人o地都真係幾開放o下，唔會好似香港o個D咁，要遮遮掩掩，真係幾得o下，我發覺台灣都好多呢D咁o既舖頭囉，成間買Condom o既都有呀，不過我無影到相之嘛！哈哈~~~

呢度就係六合二路夜市了！係咪好多人呢？ ^>^

低B o架！D花枝 (即係魷魚) 都唔知駛唔駛大成咁囉？隔離o個D蟹又係囉！真係幾癲o下囉！

呢個就係我話幾好味o個個棺材板喇！真係幾正o架！大家如果有機會去台南高雄，一定要去試o下呢！知嘛？

呢間就係我同西西買完o野飲之後發現到o既性商店。佢o既Design係咪真係好得呢？我都真係幾佩服o個D開呢D商店o既人囉！你估有無人會光明正大咁入去呢？Condom o個間我就真係見到好多情侶都有入去買囉！哈~

行完夜市之後，我o地就返飯店休息了！o係台灣，我o地住o既"酒店"並唔係叫"酒店"o架，大家去到台灣千祈唔好亂叫呀！我o地住o個D"酒店"係叫"飯店"o既，如果大家叫的士司機車你去"酒店"，佢o地就會車你去"夜總會"o架喇！哈哈~~~呢D少少o既知識都係o係我o地o既導遊小梁口中得知o既呢！所以，大家去台灣o既時候，記得唔好亂話要去"酒店"呀，知嘛？不過，高雄o既呢間飯店真係麻麻地喇！並唔係因為佢D設施差，而係佢張床真係好鬼死硬囉，硬到都真係勁難先訓得著呀！西西仲慘呀，佢成晚失眠無訓過呢，我都還好，o係張床上面"Din" o左大約個幾鐘度就訓得著，真係難為了西西囉！~

呢間就係我o地o係高雄住o個間飯店喇！個大堂係咪覺得OK呢？哈！

不過，佢張床真係好鬼硬囉！ (呢張相係我o係西西唔覺o既時候影o既！哈哈~~~)

2006年3月12日 (星期日)

真係極度變態囉，竟然要朝早6點鐘Morning Call囉，有無病呀？！唉~~~無計啦！講真，跟得團就預o左係咁呢！今日要咁鬼早起身，係因為我o地開始要由台南o既高雄出發去台中了，由於車程都比較多同耐o既關係，所以就要一早起身呢！唔~~~真係無試過咁鬼死早就起身行落街囉，仲要係o係台灣南部o既街頭呢，真係奇積呀！

呢個就係台灣南部高雄大約7點鐘o既街頭景色喇！係咪同我o地o既中國大陸好似無咩分別呢？其實我都覺得係o架！哈~

一早起身食完早餐之後，我o地就出發去日月潭喇！嘩~~~ o個度D景色真係好鬼靚囉，其實咁早起身都抵番o係呢度o既！不過，去日月潭之前，我o地上o左去個山o既最頂o個度呢孔雀園o既地方睇o下D孔雀先。真係唔明呀？點解阿蔣介石先生o係逃亡o既時候，住o係日月潭呢度都可以諗到話o個度只有綠色o既樹林同埋藍色o既潭水而無其他顏色比較單調o左D，所以就o係日月潭呢個山o既山頂大約海拔900幾呎度養D孔雀o黎加添o下一D色彩。真係勁呀，咁都俾佢諗到呀？！  我一直都以為D孔雀只係有o個D藍藍地綠綠地色o個D，點知？原來係有白色o既孔雀o架！仲有見到一隻係唔知咩色o既孔雀，佢D色好似生滋咁o既呢，真係超搞笑呀！哈哈~~~

o拿~~~ o係呢度除o左有普通顏色o既孔雀之外，仲有一隻白色o既孔雀呢！唔知大家又搵唔搵到呢？哈哈~~~

呢隻就係我話佢好似生滋o既孔雀呢！哈哈~~~大家話似唔似呀？！ ^O^

原來孔雀真係會開屏o架，小梁無昆我o地呢！我o地真係好好彩呀，咁都見到佢開屏呀！不過，全場都真係只有呢一隻會開俾我o地睇囉！D孔雀真係大牌呀！

睇完孔雀之後，我o地就落o左去下面少少一個叫做文武廟o既地方。唔~~~學西西話齋，其實我o地都考完試啦，仲可以求D咩呢？我諗都真係只係去求o下事業呢！不過，當我求完之後，真係有D灰呀！點解？因為o個枝籤o既籤文話我係"下平"。唉~~~竟然係"下平"籤囉！佢話我依家仲未係時候去搵o野做住。咁我可以點呀？去完旅行返到香港無理由o係屋企"Hea"，咩工都唔搵呀？？？真係唔知準唔準呢？？？Of course，我呢D人，又點只係求事業呀！我當然有求姻緣啦！不過，o係文武廟求姻緣會唔會怪o左D呢？其實都唔係怪o左D，係極怪就真呀！但係唔求都求o左喇，可以點？而且枝籤係極好呢！所以……都真係覺得怪怪的~~~  o係文武廟搞完一大輪之後，我o地就去o左之文武廟對面o既小攤檔度睇o下o野。見到一D幾得意o既o野，我同西西都覺得可以買返去俾D朋友仔做手信，所以就同o個個老闆娘講價。唔~~~開始都發覺自己講價都OK，At least好過西西先呀！哈哈~~~我o地真係好勁囉，買手信買到唔想去食飯囉！今次呢一餐就食一D比較地道D o既o野食，including鹿肉、總統魚、溪蝦同埋最特別o既野豬肉，都OK好味o既，係真係幾特別o下，我諗真係o係香港無機會會食到呢D o野囉！

呢個就係文武廟喇！佢都幾大同幾勁o下！其實呢個文武廟係重建o架，因為o係之前地震o既時候，佢係損毀得好嚴重，所以要重新再建過呢！

呢個係文武廟o既紀念碑文。佢下面o個隻o野，係龍頭龜身，我唔記得o左佢叫咩o野同埋點解佢會有咁o既look喇？！我只係覺得企o係碑文後面擺Pose o個條友好搞笑囉！哈哈~~~

我o地係企o係文武廟o既頂影o架！係咪真係好高呢？我o地後面就係日月潭喇！靚嘛？我覺得真係幾靚o架！

好喇，食完飯之後就繼續我o地o既行程了！o係日月潭走o左之後，我o地就去o左九族文化村。唔~~~ o個度其實同我o地香港o既海洋公園無咩分別？！因為佢有機動遊戲玩，又有Cable Cars坐，唯一唔同o既係我o地o既海洋公園有動物睇，呢度就無動物睇，但係就有原住民睇，咁算唔算係一個特別o既地方呢？哈哈~~~ 不過，o個度D原住民都真係幾得o下，佢o地個樣真係鬼鬼地o架！有D都幾可愛o下，不過可惜係Young o左D啦！ 原本o係九族文化村真係好想玩跳樓機o架，因為佢比起香港o個個真係高好多，我覺得激D，但係一來真係唔多夠時間玩，二來係西西唔肯陪我玩囉，所以到最後都係無玩到呀，其實有D後悔囉！無玩到機動遊戲，所以就走o左去睇原住民o既歌舞表演，都真係幾好睇o下，佢o地跳得都幾好呀，又幾特別喎！~睇完歌舞，就好無聊咁走去玩扑傻瓜。我諗真係只有我o地呢兩個大傻瓜先會去玩扑傻瓜囉，不過唔知係咪真係太耐無發洩過呢？我竟然扑到爆燈囉！<== 我指o既當然係D分數爆燈，並唔係部機俾我扑到爆燈啦！哈哈~~~

呢度就係九族文化村喇！係咪連個門口都好有民族o既Feeling呢？Really Feel GOOD~~~

呢個跳樓機係咪真係好鬼死高呢？而且仲可以坐好多人呢！我覺得多D人一齊玩一齊嗌真係會激D呢！哈！~

呢個就係九族文化村o既Cable Cars，係咪比起海洋公園o個D大好多呢？好變態囉，佢一Car可以坐8個人囉！我真係好驚佢會"lum"呀！

呢個係其中一個民族點樣葬已死o既人o既方法。男o既就可以訓直，女o既就要將佢塞到越細越好。而且，佢o地仲會將D已死o既人葬o係自己o既屋企入面囉！呀~~~咁……唔會臭o既咩？真奇怪？

呢兩個都係原住民呢！佢o地o個一族係叫"娜魯灣"呢一族呢！我真係覺得o個個女仔係鬼鬼地咁呢，個男仔就OK啦，Young囉！哈哈~~~

o係九族文化村玩完一輪之後，就上車出發去台中了！可能真係玩得太"支力"o既關係，一上車就可以大覺訓呢！當一醒番，就已經去到台中，要食晚飯了。今次o既晚飯係食台灣人好興o既涮涮鍋。可能我之前第一次o黎台灣o既時候已經試過了，所以覺得無咩咁特別啦！但係因為之前玩得太激，都真係幾肚餓o下囉，咩鬼都食得落呀！哈哈~~~食完晚飯之後，又去行夜市，今次台中呢個夜市係叫做逢甲夜市。唔……今次呢個夜市都無咩特別，我只係覺得佢好鬼亂囉，都唔知邊度打邊度？唔知點行好？？？雖然話係無咩o野行，但係我終於o係呢度o既夜市見到有書局呀！我o係o個度只係買o左高祖寧老師o個本心理測驗，因為我覺得其他書o係台北一定有得買，唔駛急住買，而高老師呢本書我又想睇o下先，所以就買o左佢先囉！哈哈~~~  行完夜市，都係返飯店o既時候了。今晚終於有覺好訓了，因為一來真係好"支力"，二來係張床終於唔係硬到死了！Really Great!!!

逢甲夜市o既夜景！唔……都係普通o既街景咁啦，無咩特別！

今次張床真係無咁硬了，舒服好多了！哈哈~~~

2006年3月13日 (星期一)

真係勁變態囉，今日又係6點鐘Morning Call，今次並唔係要趕咩車程，而係要一早去浸溫泉。唔~~~其實都唔係第一次去浸溫泉，之前都返過大陸o既中山去浸溫泉，但係唔知點解，今日o既呢個Trip令到我都幾期待o下。哈哈~~~ 食完早餐之後，我o地就準備出發去浸溫泉喇。小梁話，o個個溫泉係o係泉眼o個度引D溫泉水去俾人浸，雖然係間接o左D，不過咁即係Show到話o個個溫泉o既泉水係真o架啦，並唔係呃人啦！o個度o既溫泉係分著衫同唔著衫o既。Of course我就一定會兩個泉都浸晒啦！哈哈~~~不過，始終覺得著衫浸o個個溫泉正D，因為D水真係勁熱，其他o個D池o既泉水，我沖涼o既水比起佢o地仲熱呀！不過，o係唔著衫o個度，見到一個我諗係台灣o既女客人，當我同西西話要走o既時候，佢竟然問我：『不泡喇？』哈！真係好搞笑囉，唔識o既都可以講o野呢！ ^O^ 浸完溫泉之後，最好就緊係食番一隻溫泉蛋啦！真係好得意o架，D溫泉蛋點用D溫泉水去浸佢，佢個蛋黃都係唔會熟o，熟o既都只係得D蛋白，真係好搞笑同得意呢！唔~~~都幾好味o下！

呢個就係我話勁熱o既o個個池喇！你o地睇o下，真係熱到出緊煙o架！

一早浸完溫泉之後，就坐車出發去台北了！唔~~~其實都已經去過3次台北了，所以周圍o既環境都好熟悉囉！o係車上面，可能係因為浸完溫泉o既關係，真係好鬼死"支力"，我同西西都可以訓到好"lum"呢！所以，3個鐘頭o既車程都唔算話好耐，好快就到lu~一去到台北o既第一站，就緊係去食午飯醫飽個肚先啦！今次o既午餐係食台灣小吃，D點心o既味道真係怪怪的，唔知點去形容佢，不過都OK o既，特別D咁囉！之後，就已經去參觀圓山飯店喇。點解要去睇圓山飯店？因為佢係台北最出名o既飯店，好似話有成5星級o既呢！唔……不過，好可惜，只係可以睇到個外圍同埋個大堂，睇唔到佢D房係點o既樣，如果我有錢o既話，我一定會At Least入去住番一晚呀！哈哈~~~

呢個係小點心o既其中一款：一口稯，都OK好味o既！

類似一品鍋咁o既o野啦，咩鬼都有o既！

呢度就係圓山大飯店喇！個外觀係咪好靚呢？其實佢裡面個大堂都OK靚o架！

西西……妳個樣好奸呀！  <== 呢幅相係o係圓山大飯店入面影o既呢！

去完圓山大飯店之後，我o地就去o左忠烈祠喇！我o地要準時搭正去到o個度，因為咁樣o既話就可以睇到D阿兵哥交間o既情況。唔~~~小梁叫我o地千祈唔好Touch佢o地，因為佢o地係唔Touch得o既，如果真係Touch o既話，佢o地會用枝槍大力向地o下拍一下呢！我覺得……都幾恐怖o下。我o地準時去到，真係有得睇佢o地交間o既情況呢！嘩~~~不過真係好癲o下囉，要企o係o個度成個鐘頭唔Move得，真係想死呀！萬一要打噴嚏，咁咪大鑊？哈哈~~~ 睇完之後，佢o地行o左出o黎俾我o地去同佢o地影相。雖然佢o地個個都係180cm以上，不過我同佢o地都唔係話差太遠呢，話晒我都有170cm呀！同佢o地影相o既中途，西西問我企o係佢隔離o個個阿兵哥似唔似我o地以前Higher Diploma o既一個同學仔，我話極度似啦，所以就叫西西行埋去同佢影張相。哈！我諗o個條友以為自己好靚仔，佢無著制服都竟然會有人肯同佢影相。唉~~~好心佢唔好發夢啦，佢只不過係似我o地以前一個同學仔咋，唔好玩啦！佢仲威到走去同D日本妹影相囉！嘩~~~佢發達啦，咁多個日本妹同佢大合照口！  之後，o係忠烈祠裡面發現到一個好似魏俊傑o既阿兵哥，今次輪到我同佢合照，因為西西話佢之前已經同o個個"同學仔"影o左，所以今次輪到我。OK啦，都係影張相o者，無咩問題呀！我都唔明呀？點解我o地o係D咁正經o既地方都可以玩一餐呢？哈哈~~~

呢個就係忠烈祠o既門口 (不過係背面)，哈！

嘩~~~佢o地真係唔會Move o架！好癲囉！~

佢o地交間o既時候要由出面操到去入面換人，再由入面操番出o黎出面再換人。你睇o下佢o地幾"Pro"！

呢個阿兵哥就係我同西西都覺得佢似我o地個High Dip同學仔o既o個個人喇！各位High Dip o既同學仔，佢係咪真係好似阿邊個邊個呢？哈哈~~~

呢個就係我同西西話似魏俊傑o既阿兵哥呢！不過，依家睇番，好似真人似過影相喎~~~

o係忠烈祠搞完一輪之後，我o地就已經走o左去士林夜市喇，不過o個時只係得5點幾，點食Dinner呀？所以，同西西o係士林行o左一陣之後，先去食我o地最想食o既o野：炸雞排、臭豆腐、蚵仔煎、花枝"火庚"，真係好味到飛起呀，到最後仲要飲埋去台灣一定要飲o既木瓜奶，Really GREAT!!!

呢度就係士林夜市喇！個天都仲未黑，皆因係下晝5點幾之嘛！不過天色唔係咁好，好似想落大雨咁呀！ ^>^

o係士林行完街同埋買完我一定要買俾媽咪o既o野之後，我o地就已經返飯店喇！唔~~~今次呢間飯店我諗係咁多晚早好o既一晚呢，叫做"朝日商務飯店"，張床又舒服，又乾淨，個Toilet又夠大，真係Really GOOD呢！我o地將所有o野擺好晒o係間酒店房之後，就落番去大堂Join埋小梁(導遊)同Maggie(領隊)一齊行過去京華城喇！我o地o個間飯店係勁近京華城囉，可以話係o係對面咋，咁樣有一樣o野好，就係悶o既時候就可以行過去行o下街。而佢o個度o既頂樓就有一間開到零晨兩點o既誠品，我o地完全係可以o係o個度"Hea"成晚都得呀！原本我同西西諗住行一陣京華城就搭的士去24小時o既誠品行，不過真係太大雨喇，所以到最後我o地都只係Stay o左o係京華城o既誠品就算喇，但係我o地都o係o個度搞到成11點幾先返飯店沖涼訓覺呢。真係好滿足o既一日呀！哈哈~~~

2006年3月14日 (星期二)

待續……

情人節快樂~~~  今日又係一年一度o既情人節，o係呢度祝大家情人節快樂，希望有情人終成眷屬，未人情人o既，就快D可以搵到自己o既另一半 <== Of course都包括埋自己啦！哈哈~~~ 其實同我好好o既朋友仔，一定知我o係每一年o既情人節，都會有一D自己整o既小手作仔送俾佢o地。本身o係今年o既情人節係無人知我會整禮物送俾佢o地o架 (除o左妳之外啦，妳呀，係呀，我係講緊妳呀！)。點知？咁o岩有個朋友仔搬o左屋喎，我又只係得佢之前o個個Address喎，咁咪迫於無奈一定要問佢拎過個新地址囉！就係咁，就俾佢知道o左我會o係情人節寄o野俾佢喇！唉~~~好在佢無同其他人講咋，如果唔係？我一定唔會放過佢呀！唔~~~大家係咪好想知我整o左D咩呢？好啦，俾大家睇o下啦！

其實係D咩o野o黎o既呢？唔~~~其實係一個香包仔啦！有蘋果味o既香包仔！初時其實我真係諗o左好耐，都唔知整D咩o野俾大家好？！但係，咁o岩有一次睇睇o下電視定行行o下街，突然間就有個咁o既Ideas，所以到最後，今年o既情人節就整o左呢個香包俾大家喇！  可能今年係最後一年情人節整o野俾大家了，因為過埋呢個禮拜，就考完試，算係畢業了，要搵o野做喇~~~第二時都唔知仲有無時間整呢D咁o既o野俾大家Lu~~~

o拿~~~等我解釋o下呢個小禮物先……個香包裡面，其實係仲有一個心o架，就係代表我送俾大家o既心意；出面o個個心，就當然係你o地o既心啦，因為有你o地個名o既第一個英文字母呀嘛，係代表你o地個心包圍住我個心，我得到你o地o既愛護！  咁平時人o地o係情人節會送朱古力o架嘛，但係朱古力我就唔識整喇，所以就用o左呢個本身裝朱古力o既印花膠袋仔o黎裝住個香包，當係朱古力咁送俾大家啦~~~  情人節除o左送朱古力，就當然係送花啦！真花就送唔到俾大家喇，唯有送住D假o既先啦，o個條絲帶o既花紋就係成朵花o黎o既，大家睇真D係咪？哈哈~~~  唔……收到我份禮物o既朋友仔，希望你o地鍾意啦！

今年都幾開心o既，因為除o左我送禮物俾大家之外，我都收到禮物呢！好多謝我o既寶貝Kathe o係呢個情人節送禮物俾我呀！哈哈~~~好開心，係Winnie The Pooh o既朱古力同埋一隻扭蛋！多謝晒！

個盒真係好靚囉~~~我會唔捨得食呀！

唔~~~其實我都好少頭髮o既，不過米妮都幾得意o下囉！

唉~~~過o左呢個情人節之後，就真係要Prepare o下個Exam呢！一D書都未讀過未溫過，BP仲要考咁多課，真係唔知點死？雖然話ADV已經合格了，但係都唔可以一D書都唔讀就入去考試呀？有D同學仔仲激，話直頭唔入去考tim，有無搞錯？！Anyway，得番3日讀書，真係唔知讀唔讀得切呀？唉~~~真係無眼睇呀！加上，呢排都有D唔開心o既事發生o左，都唔知讀唔讀得入腦呀？唉~~~我可以點呀？？？好唔想見到周圍o既人都唔開心呀，但係我又唔知我可以點做先可以令到佢o地開心番喎？！真係唔知點呢？！唉~~~

★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★★

之前o係個朋友仔o既日記裡面睇到一個可以Check o下自己性格o既Website，都幾準呢！大家得閒去試o下啦！哈哈~~~

http://geocities.com/gadogry/e_test1.html

我o既測驗結果就係咁：

測驗結果:
第一型: 2分
第二型: 6分
第三型: 5分
第四型: 2分
第五型: 3分
第六型: 4分
第七型: 3分
第八型: 3分
第九型: 5分

首先每一型的得分代表你在那一型性格的傾向。在每一型性格中的最高得分是八分。

如果你有一個性格的分數非常突出的話﹐那應該會是你的基本性格。

而如果你基本性格兩旁的性格中得到五分或以上﹐那就會是你的側翼。例如你的基本性格在第九型﹐如果你在第一型得到五分的話﹐第一型就是你的側翼性格。記住側翼只可以是你基本性格旁邊的兩個方位。不是每一個人都有性格側翼﹐而也有極少數人同時擁有兩個側翼。

如果你的最高分數出現同分﹐或有幾個性格分數非常接近的話﹐建議閱讀該幾種性格來判別你的類型。根據性格形態學的理論﹐每人只可以有一個基本形態﹐不可能有兩個或更多形態的混合體。

另外值得留意的是你得分特別低的形態(一分或零分)。那某程度上也是你性格突出之處。

第二型 -- 付出型

"If he likes sexy, I can be sexy.
If he likes smart, I can be smart..."

另外仲玩o左一個心理測驗，都幾好玩o下，大家都去試o下呢！

http://www.sce.pccu.edu.tw/card/boss/default.htm

唔~~~我都知我無咩做老闆o既運o架喇，叫我得閒管o下人就得！哈哈~~~

大老闆指數為79%
你成為中高層主管的可能性遠超過當大老闆。雖然不是渾然天成的大老闆，但擁有多項大老闆潛能的你需要多努力才有可能成為大老闆。建議你多閱讀管理相關書籍，或者進修高效能團隊運作與溝通、領導決策能力、組織整合分析等課程，將這些知識運用在職場上，好好磨練自己，相信潛力十足又用功的你在 40 歲以後成為大老闆的機率躍升為95.99 %。

大老闆指數完整報告書　特質分析

題目一： 你選擇的是：女性 性別的選擇代表的是你的好奇心與接受挑戰的能耐。如果你是男性，但卻選擇了女性的符號，代表你的好奇心旺盛，樂於挑戰，是個戰鬥力十足的人，這是當大老闆必備要件之一。由於系統無法偵測您真實的性別，此題請自行判斷。 題目二： 你選擇的是：兔 此動物之特性，正反映出你內心潛在的性格。兔子代表的性格是純潔、與人為善、但不夠強硬和堅持。身為大老闆雖然需要處事圓滑，但建議你該堅持的時候，還是要硬起來！ 題目三： 你選擇的是：座位D 座位的選擇代表交際能力的高低。你是善於觀察人的好手，但是不善於和他人哈拉博感情，適合作為幕僚甚於當老闆。 題目四： 你選擇的是：和公司聯絡，談業務上的事 此題可以反映出個人的領導風格。你是個勤奮積極事業新旺盛的領導者，在你的字典裡沒有impossible這個字。 題目五： 你選擇的是：茂密的大樹 樹代表一個人的成熟度及活躍度。你精力旺盛，對於人情世故也處理得不錯，當大老闆對你而言輕而易舉，不費功夫。 題目六： 你選擇的是：零食 + 瑞士刀 這個選擇可以看出個人的價值觀。你屬於獨善其身、自我要求高的人，屬於單打獨鬥型的人，適合自組工作室，不適合當擁有眾多部屬的大老闆。 題目七： 你選擇的是：計分版 首先注意到的差異可以反映出你適合的工作職級。你冷靜沈著、善於分析，適合在公司中擔任幕僚的角色。 題目八： 你選擇的是：湯 這個選擇可以顯示你的企圖心。你的企圖心不是很旺盛，你喜歡有一些責任，但不喜歡過多的責任。 題目九： 你選擇的是：寬口花瓶 花瓶的選擇代表交友範圍的寬廣度。你的交遊廣闊，朋友含括各個階層，這樣的個性有助於你成為一個資源豐富的大老闆。 題目十： 你選擇的是：暫時留著 需要時再喝 這個選擇可以看出你對未來的態度。 對於未來，你是謹慎保守的，你通常花不少時間在思考下一步該怎麼走，若成為老闆，會是一個穩健型的老闆，比較沒有大刀闊斧的衝動性決策。